Kodungallur-Fort, crancanore fort ruins

കേരള ചരിത്രത്തിലെ വൈദേശികധിനിവേശങ്ങളുടെ അവശേഷിക്കപ്പെടുന്ന നിർമ്മിത രൂപങ്ങളിൽ പ്രധാനം കേരളത്തിലങ്ങോളമിങ്ങോളം പണിതുയർത്തപ്പെട്ട കോട്ടകളാണ് .അവയിലൊന്നാണ് കോട്ടപ്പുറം കൊട്ട. പോർച്ചുഗീസ്-ഡച്ച് അധിനിവേശങ്ങളുടെയും അവർക്കിടയിലെ ചതികളുടെയും ഉപചാപങ്ങളുടെയും കഥ പറയുന്ന കൊട്ടപ്പുറം കോട്ട കൊടുങ്ങല്ലൂരിനടുത്തുള്ള കോട്ടപ്പുറത്ത് നിർമ്മിപ്പിക്കപ്പെടുന്നത് കി. 1503 ലാണ്. ജലമാർഗ്ഗമുള്ള അക്രമങ്ങൾ ചെറുക്കുന്നതിന് പോർച്ചുഗീസുകാർ നിർമ്മിച്ച ഈ കോട്ടയുടെ തകർന്ന ഏതാനും ചുമരുകളും ആയുധശേഖരത്തിനായി ഉപയോഗിച്ചിരുന്ന ഏതാനും അറകളും മാത്രമാണിവിടെ അവശേഷിക്കുന്നത്.

ഡച്ചുകാരുടെ വരവോടെ,1600 കളിൽ അവരുടെ ആക്രമണത്തെ ചെറുക്കാൻ ആവശ്യമായ സജീകരണങ്ങൾ പാലിയത്തച്ചന്റെ സഹായത്തോടെ ഒരുക്കിയത് കോട്ടയുടെ മേൽനോട്ടം വഹിച്ചിരുന്ന ഫിയാൽ ഹൊ എന്ന ഉദ്യോഗസ്ഥൻ ആയിരുന്നു. ഫിയാൽ ഹോ യും പടയാളികളും ഡച്ചുകാരോട് സധൈര്യം പൊരുതി. ഒടുവിൽ ഫിയാൽ ഹോയെ വീഴ്ത്താനായത് കൂടെയാരുത്തന്റെ ചതിപ്രയോഗത്തിനു മാത്രമായിരുന്നു. ഫിയാൽ ഹോ യും കോട്ടയും ചതിക്കപ്പെട്ടു. ചതിച്ചത് പടയാളികരെ ഒരുക്കി കൊടുത്ത പാലിയത്തച്ചനും. പാലിയത്തച്ചന്റെ സഹായത്തോടെ ഡച്ചുകാർ ഒടുവിൽ പോർച്ചുഗീസ് സൈന്യത്തെ പരാജയപ്പെടുത്തി. ഫിയാൽ ഹൊയെയും പടയാളികളെയും കൊലപ്പെടുത്തുകയും ചെയ്തു. കോട്ടയെ ആക്രമിക്കാനുള്ള എളുപ്പ വഴിയെ പറ്റിയുള രഹസ്യം ഡച്ച് കാർക്ക് കൈമാറിക്കൊണ്ട് പലിയത്തച്ചൻ ഫിയാൽ ഹോയെ ഒറ്റുകൊടുക്കുമ്പോൾ അയാൾ കുരുതി കൊടുക്കാൻ തയ്യാറയത് തന്റെ തന്നെ പടയാളികളെ കൂടിയായിരുന്നു. ഫിയാൽ ഹോ യും പീരങ്കികൾ ഗർജ്ജിച്ച അയാളുടെ ചെറുത്തുനിൽപ്പും അങ്ങിനെ ചരിത്രമായി. ഇടിഞ്ഞു പൊളിഞ്ഞ കോട്ടയുടെ അവശിഷ്ട്ങ്ങളിൽ ചതിയുടെ തീരാക്കഥകൾ ഇപ്പോഴും ചിതറിക്കിടപ്പുണ്ട്. പടനായകനാൽ വഞ്ചിക്കപ്പെട്ട പോരാളികളുടെ രോഷ പ്രതിഷേധങ്ങൾ അവയിൽ ഇന്നും പ്രതിധ്വനിക്കുന്നു.

Share with friends
Share on FacebookTweet about this on Twitter

Related Posts

ബിനാലേയിലെ ബോംബേ കാഴ്ച്ചകൾ

ബ്രഹ്മഗിരി കുന്നിൻ മുകളിലേക്കു

റോസ്മല എന്ന സോളാർ ഗ്രാമം

പഴശ്ശിരാജ സ്മാരകം, വയനാട്

കുഞ്ഞൻ നമ്പ്യാർ സ്മാരക കലാപീഠം

വട്ടവട എന്ന കാർഷിക ഗ്രാമം

Comments

Reply comment

Your email address will not be published. Required fields are marked *